રાંચીના ખેલાડીઓને મારા તરફથી રાહ્યનો સેલ્યુટ!

હોકી ઇન્ડિયા લીગની પ્રથમ સીઝન પૂરી થઇ ગઈ છે. રાંચી રાહ્યનોએ ૨-૧ થી દિલ્હી વેવરાયડરને ફાઈનલમાં હરાવીને ખિતાબ કબજે કરી લીધો છે. બાકી બધું તો ઠીક પણ આખી સીઝનમાં એક વસ્તુ એ ધમાલ મચાવી હતી અને એ છે રાહ્યનો સેલ્યુટ!

શું છે આ રાહ્યનો સેલ્યુટ? હવે રાંચી ટીમનું નામ છે રાંચી રાહ્યનો. એટલે એ સેલ્યુટ પણ ગેંડાની જેમ જ કરે ને!

રાંચી ટીમ લોગો – ગેંડા મહારાજ સાથે.

કેમ કરવું રાહ્યનો સેલ્યુટ? આ રીતે:

રાંચી ટીમ સેલ્યુટ કરતા!

મંદિરા બેદી પણ ગેંડામય!

સેનાપતિ કપ્તાન મોરીત્ઝ ફૂર્સ્તે

કોચ ગ્રેગ ક્લાર્ક અને કપ્તાન મોરીત્ઝ ફૂર્સ્તે ની મહેનત રંગ લાવી છે. કપ્તાન મોરીત્ઝ ફૂર્સ્તે વિષે ના જાણતા હોવ તો આ વાંચી લેવા વિનતી છે.

મોરીત્ઝ જર્મન ખેલાડી છે. ભડના દીકરાએ સતત બે વખત જર્મનીને ઓલિમ્પિક્સમાં ગોલ્ડ મેડેલ અપાવ્યો છે. (આજે પણ હોકી ખેલાડીની કીમત ઓલિમ્પિક્સના અનુભવ પરથી જ થાય છે.) હોકીમાં ઓસ્ટ્રલિયા (મારા બેટા કાંગારું બધી રમતમાં આગળ હોય છે.) અને નેધરલેન્ડ્સના એકચક્રી શાસનને સફળતાથી તોડીને જર્મનીને હોકીમાં એક નવી ઉચાઇ પર લઇ જવાનો યશ તેને ફાળે જાય છે. બીજું કઈ નહિ તો મનદીપસિંહ જેવા ટેણીયા પણ તેની સંગતમાં દસ-દસ ગોલ ફટકારી ગયા.

ફાઈનલ મેચની ટુંકી રજૂઆત આ રહી:

લીગથી ભારતીય હોકીને ઘણા ફાયદા થયા છે:

૧. મનદીપ જેવા જુવાનીયાને પોતાની રમત દેખાડવાનો મોકો મળ્યો. સંદીપસિંહ જેવા આળસુ ખેલાડીઓ ને પણ સંદેશો મળી ગયો કે હવે મહેનત કરો નહીતર ઘર ભેગા થવું પડશે.

૨. ઓક્શન ના દિવસથી જ એ સાબિત થઇ ગયું હતું કે રઘુનાથસિંહ એ આવનાર દિવસોમાં ભારતીય હોકીનો હુકમનો એક્કો બનશે અને તેણે જોરદાર રમત પણ દેખાડી.

૩. રીઓ ૨૦૧૬ માટે ભારતને ઓછામાં ઓછા ૪૮ ઉચ્ચતમ ખેલાડી પસંદગી માટે મળી રેહશે. (આવનાર ઓલિમ્પિક્સ સામ્બાલેન્ડ બ્રાઝિલમાં છે)

હવે થોડીક ફરિયાદો:

૧. મૂળભૂત રીતે ૮ ટીમની આ સ્પર્ધા માત્ર ૫ ટીમ વચ્ચે જ રમાઈ. કારણ બાકીની ૩ ટીમ ખરીદવા કોઈ આગળ જ ના આવ્યું! (જરા જાહેરાત કરો જોઈ આઈ.પી.એલમાં હજુ એક ટીમ વેચાઈ શકે તેમ છે અને જુઓ કેટલા બધા મેદાનમાં આવે છે.)

૨. સવા અબજમાંથી દેશની રાષ્ટ્રીય રમતની લીગને માત્ર સવા બે કરોડ લોકોએ ટીવી ઉપર નિહાળી. (જોકે હમણાં આર.ટી.આઈ. ના માધ્યમ થી ખબર પડી કે હોકી ભારતની રાષ્ટ્રીય રમત છેજ નહિ!)

૩. ભારતીયોને  રમત કરતા રમતવીર ને વધારે મહત્વ આપવાની ટેવ છે. (કોઈ ને રમતના ભગવાન બનાવી દેવા વગેરે…) હોકી માં આ બધું થવું અશક્ય છે. હોકી એટલે જવાન લોહીની ધડબડાટી બોલાવતી રમત. અને હોકી ખેલાડીની કારકિર્દી(જવાની) બહુ ટુંકી હોય છે. અહિયા ઘરડા ખેલાડી નથી ચલાવી લેવાતા. એટલે જ કોઈ સુપરસ્ટાર કે માસ્ટર-બ્લાસ્ટર નથી હોતા. હમેશા રમત રમતવીર કરતા આગળ રહે છે.

નોંધ ૧: આશા છે કે આવતા વર્ષે પૂના અને અમદાવાદ પાસે હોકીની એક ટીમ હશે, જેનાથી જીવંત હોકી જોવાની સગવડ ઘર આંગણે થઇ શકે.

નોંધ ૨: સગવડીયો ધરમ હમેશા ન ચાલે. પૂના અને અમદાવાદને ટીમ ના મળે તો કઈ નહિ, રાંચીના જંગલમાં ગેંડા બની હોકી જોશું.

Advertisements

5 thoughts on “રાંચીના ખેલાડીઓને મારા તરફથી રાહ્યનો સેલ્યુટ!

  1. જાણી ને આનંદ થયો કે કોઇક તો હોકી ને ફોલો કરે છે. આપણે ઓલોમ્પિક માં હોકી જોતાતા, પણ HIL જોવાનો મોકો ના મલ્યો.

    ચલો HIL નાં કારણે નવા ખેલાડીઓ ને પ્રોત્સાહન મલસે અને ભારત હોકી ટીમ ને સારા નવા પ્લેયર પણ મલશે.

    • પ્રયત્ન તો આખી સીરીઝને કવર કરવાનો હતો પણ બીજી દોડધામમાં હોકી ન-હોતી થઇ ગઈ. આવતા વખતે કૈક વધારે કરવાની ઈચ્છા છે. જો કે આવતી સીરીઝ અને દિલ્હી ઓટોએક્ષ્પો લગભગ સાથે જ આવશે. જોઈએ બેય હાથમાં લડવા રહે છે કે નહિ. 🙂

પ્રતિસાદ આપો

Fill in your details below or click an icon to log in:

WordPress.com Logo

You are commenting using your WordPress.com account. Log Out / બદલો )

Twitter picture

You are commenting using your Twitter account. Log Out / બદલો )

Facebook photo

You are commenting using your Facebook account. Log Out / બદલો )

Google+ photo

You are commenting using your Google+ account. Log Out / બદલો )

Connecting to %s